Í grunnskólalögum nr. 91/2008 segir: "starfsmönnum skóla er skylt að efla samstarf skóla
og heimila, m.a. með því að miðla fræðslu um skólamál til foreldra og veita upplýsingar um
starfið í skólanum".

Samskiptadagar eru tvisvar á ári, þrír dagar í senn, um miðjan nóvember og um miðjan febrúar. Þá mæta nemendur ásamt foreldrum/forráðamönnum sínum í skólann á fyrirfram gefnum tíma einhvern tíma á milli kl. 16.00 og 18.30. Þessa tilhögun á samskiptadögum völdu foreldrar í könnun fyrir allmörgum árum síðan. Á þessum dögum eiga allir kennarar skólans að vera í skólanum og tilbúnir til viðtals við foreldra og nemendur.