Grindavík Experience (Upplifðu Grindavík) var stofnað 28. október 2008 af fjórtán ferðaþjónustuaðilum í Grindavík.

Aðdragandann að stofnun Grindavík Experience má rekja til þátttöku margra þessara aðila að námskeiðinu Hagvöxtur á Heimaslóð fyrir Suðurnes (HH-verkefni) á vegum Útflutningsráðs í byrjun árs 2008 og þeirra hugmynda sem þar kviknuðu. Samstarfi hófst síðan með þátttöku á Vestnorden ferðakaupstefnunni í Laugardalshöllinni 15.-17. september 2008 með markaðssetningu Grindavíkur á einum stað. Í tengslum við sýninguna var unnin vefsíða, www.grindavik-experience.com. Einnig var útbúinn myndbandsgrunnur (video-template) sem sýndi áhugaverða staði, náttúrperlur, gistimöguleika og afþreyingu svæðisins.

Það er styrkleiki fyrir hópinn að Bláa Lónið skuli vera með í samstarfinu en þangað koma um 60% af öllum erlendum ferðamönnum sem til landsins koma, um 300 þúsund gestir árið 2007, auk mikils fjölda Íslendinga. Þannig eru heimsóknir í Bláa Lónið um 400-500 þúsund gestir árið 2007. Þá sýna kannanir Rannsókna og ráðgjafar ferðaþjónustunnar (RRF) að 80-100 þúsund erlendir ferðamenn heimsóttu Grindavíkurbæ árið 2007 og enn fleiri Íslendingar.

Í könnun RRF meðal fagfólks í ferðaþjónustu árið 2004, þ.e. meðal forsvarsmanna ferðaskrifstofa og leiðsögumanna, kom fram að Grindavík hefur mun skýrari ímynd í huga þeirra en aðrir þéttbýlisstaðir á Suðurnesjum. Þá var Bláa lónið efst í huga fagfólksins hvað staðu á Suðurnesjum varðar (61%). Efst í huga fagfólksins hvað Grindavík varðar var Grindavíkurhöfn (45%), Saltfisksetrið/saltfiskur (42%), fiskur (23%), öflugt íþróttalíf (16%) og Tyrkjaránið (10%).

Markmiðið með klasasamstarfi Grindavík Experience (GE) er að byggja á þessari sterku og jákvæðu ímynd Grindavíkur og styrkja hana í sessi til að efla ferðaþjónustu í Grindavík og á Suðurnesjum og fjölga þar störfum. Þannig er markmið GE m.a. að kynna:
• Gististaði, veitingahús og aðra grunnþjónustu fyrir ferðamenn
• Afþreyingu, s.s. söfn og sýningar, gönguferðir, hjólaferðir og aðra útivistarmöguleika
• Sérstæða náttúru, merka jarðsögu og menningarminjar innan sveitarfélagsins.
• Sögulega viðburði s.s. landnám svæðisins, Tyrkjaránið og baráttum um verslunaryfirráð í Grindavík.
• Sögu og lífsbaráttu íbúanna í gegnum aldirnar.
• Þjóðsögur á svæðinu.
• Bað- og heilsustaðinn Bláa lónið

 Félagar í Grindavík Experience eru eftirtaldir: 

Nafn fyrirtækis	Tengill	Meginstarfssemi	Netfang
Maraþon	Benný Ósk Jökulsdóttir	Söluskáli	bennjoku@khi.is
Volcano tours	Erling Einarsson	Eldfjallaferðir/gönguferðir	volcano@volcano.is
Salthúsið	Þorlákur Guðmundsson	Veitingastaður/bar	salthusid@salthusid.is
Atv 4x4	Jakob Sigurðsson	Fjórhjólaferðir	info@atv4x4.is
Heimagisting Borg	Björk Sverrisdóttir	Heimagisting	bjorksv@hive.is
Grindavíkurferðir ehf	Þorsteinn G. Kristjánsson	Rútuferðir	tgk@saltytours.com
Artic Horses	Helgi Einar Harðarson	Hestaleiga	helgi.einar@gmail.com
Lukku Láki	Þorlákur Guðmundsson	Veitingastaður/bar	lukkulaki@lukkulaki.is
Northern Light Inn	Kristjana Einarsdóttir	Hótel	velkomin@nli.is
Bláa lónið	Magnea Guðmundsdóttir	Heilsulind	magnea@bluelagoon.is
Saltfisksetur Íslands	Óskar Sævarsson	Safn	oskar@saltfisksetur.is
Sjólist	Linda G. Oddsdóttir	Gallerí	sjolist@simnet.is
Mamma mía	Einar Hannes Harðarson	Veitingastaður/bar	haflidadottir@hotmail.com
Anna og Sólveig	Anna og Sólveig	Hjólaferðir	annaogsolveig@simnet.is