Á mínum síðum á Ísland.is hefur þú aðgang að ýmsum upplýsingum sem þig varða. Til að skrá þig inn smellir þú á innskráningu efst í hægra horni síðunnar og auðkennir þig með veflykli ríkisskattstjóra eða rafrænum skilríkjum. Innskráningargluggi opnast líka þegar smellt er í fyrsta sinn á ýmsa valkosti á síðunni.

---

 

Tilkynning til eigenda um álagningu ársins 2012

Álagningarseðlar fyrir árið 2012 verða eingöngu birtir rafrænt og ekki sendir út í bréfapósti.
Fasteignaeigendur geta nálgast álagningarseðilinn á www.island.is með því að skrá sig inn, annaðhvort með rafrænum skilríkjum eða veflykli RSK.
Grindavíkurbær mun þó senda einstaklingum 67 ára og eldri og fyrirtækjum álagningarseðil í bréfapósti.

 

Álagning fasteignagjalda 2012

Fasteignaskattur: Samkvæmt lögum um tekjustofna sveitarfélaga nr. 4 frá 1995 með síðari breytingum.
3. gr. laganna:
a) Allt að 0,5% af fasteignamati:  Íbúðir og íbúðarhús ásamt lóðarréttindum, erfðafestulönd í dreifbýli og jarðeignir, útihús og mannvirki á bújörðum sem tengd eru landbúnaði, öll hlunnindi og sumarbústaðir ásamt lóðarréttindum.
b) 1,32% af fasteignamati ásamt lóðarréttindum: Sjúkrastofnanir, skólar, heimavistir, leikskólar, íþróttahús og bókasöfn.
c) Allt að 1,32% af fasteignamati ásamt lóðarréttindum: Allar aðrar fasteignir, svo sem iðnaðar-, skrifstofu- og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu.
Heimilt er sveitarstjórn að hækka prósentur tilgreindar í a og c liðum um allt að 25%.
Önnur gjöld eru ákveðin árlega af bæjarstjórn.

Undanþegin fasteignaskatti eru kirkjur, bænahús, safnahús og hús erlendra ríkja, sbr. 5 grein laganna.

 

Álagningarreglur

			Annað
	Íbúðir	Stofnanir	húsnæði
	a-liður	b-liður	c-liður
Fasteignaskattur	0,31%	1,32%	1,65%	af fasteignamati
Lóðarleiga	1,20%	2,00%	1,60%	af fasteignamati
Holræsagjald	0,13%	0,25%	0,25%	af fasteignamati
Rotþróargjald	10.000	10.000	10.000	kr.
Vatnsgjald
Almennt vatnsgjald	0,14%	0,25%	0,25%	af fasteignamati
Auka vatnsgjald		15	15	kr/m3 vatns
Sorphreinsunargjald/tunnuleiga	9.765			kr. sorpílát pr. ár
Sorpeyðingagjald	26.460			kr. sorpílát pr. ár
Fjöldi gjalddaga	10	10	10

      1/2, 1/3, 1/4, 1/5, 1/6, 1/7, 1/8, 1/9, 1/10 og 1/11 2012
      Álagning 15.000 kr. og lægri fer öll á 1. gjalddaga, þ.e. 1.2.2012 

 

Afsláttur til tekjulágra elli- og örorkulífeyrisþega

Ellilífeyrisþegar
Ellilífeyrisþegar, sem orðnir eru 67 ára skv. álagningarskrá fasteignagjalda, eiga rétt á afslætti eða niðurfellingu á fasteignaskatti og holræsagjaldi á húsnæði sem er í þeirra eigu og þeir búa í. Gildir þetta líka ef maki þess sem skráður er fyrir íbúðinni hefur náð 67 ára aldri. Skv. ákvörðun bæjarstjórnar gildir hið sama um aldraða sem búa í íbúðum Búmanna.
Sækja þarf sérstaklega um afsláttinn og skila inn staðfestu skattframtali vegna tekna og eigna ársins 2011, þ.e. skattframtali 2012.
Öryrkjar
Öryrkjar með a.m.k. 75% örorku eiga rétt á afslætti eða niðurfellingu á fasteignaskatti og holræsagjaldi. Skila þarf inn staðfestu skattframtali 2012 ásamt örorkuvottorði.

 

Tekjuviðmið ársins 2012 (að meðtöldum fjármagnstekjum), vegna afsláttar á fasteignaskatti og fráveitugjaldi 2012.

Tekjur	Tekjur
einstaklinga árið 2011	hjóna árið 2011	Niðurfelling
0 - 2.631.341	0 - 3.949.969	100%
2.631.342 - 2.860.241	3.949.970 - 4.293.560	75%
2.860.242 - 3.015.207	4.293.561 - 4.526.175	50%
3.015.208 - 3.162.677	4.526.176 - 4.747.541	25%
3.162.678 og hærra	4.747.542 og hærra	0%